欢迎登录中国报业网!!!

  •  
详细

地铁广播

作者:信息时报来源:信息时报 日期:2017年5月16日 13:56

前两日,有个广州嘅靓妹模仿广州地铁车内广播嘅声音喺网上流传,引起网友嘅热议。嗰姑娘模仿得唯妙唯俏,连人声前嘅机器提示音、报站嘅声调起伏、快慢,都极为神似,搞笑得来又几有生活嘅味道。

 

地铁、公交车上嘅广播声,对上落班街坊而言,几乎系日日“磨耳朵”嘅声音,大家都极为熟悉,甚至熟悉到会忽略咗佢嘅存在。但家阵忽然有人喺手机上模仿出来,反串到日常生活之中,搞笑之余又极为亲切。广州公交、地铁嘅广播声,已经不断改善。同旧阵时相比,报站声变得简练、温和,俾人感觉到服务嘅态度。不过,改善唔等于完美,因为照顾到唔同乘客嘅需求,唔少公交地铁嘅站报站,会用粤语、普通话、英语轮流广播,且夹杂住不同类型嘅提醒:让座,路面状况,站点附近机构……不断喺耳边轮流“轰炸”,显得十分啰嗦。

其实,有啲广播信息,可以大幅压缩,譬如让座提醒,“尊老爱幼是中华民族的优良传统,请您为老弱病残、孕妇及怀抱婴儿者让座”,改为“请您为有需要者让座”就得。公交广播系一个城市重要嘅音响之一,实用之余,又悦耳、温和嘅声音,会俾人心旷神怡之感,舒缓上落班高峰车厢挤逼时紧张嘅心情,亦彰显一个城市嘅文明同个性。

所属类别: 传媒史海

该资讯的关键词为:地铁广播 

发表评论
 
姓名:
 
小于等于20个字符(包括A-Z、a-z、0-9、汉字、不含特殊字符)
内容:
* 已输入字符:0
小于等于500字符
验证码: